咖啡豆新鲜烘焙好重要！简单试出咖啡豆新唔新鲜

茶饮趋势编辑 2024年12月22日最后更新咖啡豆新鲜烘焙好重要！简单试出咖啡豆新唔新鲜。
专业咖啡师交流 请关注咖啡工房（微信公众号cafe_style ）

　　好多人都习惯朝早饮杯香浓嘅咖啡提提神，Mean娜都系其中一个。 虽然咖啡系每日嘅必需品，不过好似我呢啲死穷鬼，又边有钱日日去星巴乜帮衬丫，唯有自己冲咖啡饮，悭返几个钱。 自己冲咖啡嚟讲，有人钟意用速溶咖啡粉，贪佢够方便；有人就钟意用咖啡豆，感觉够风味。 如果你都系选择后者，证明你都系一个追求咖啡Quality嘅人，唔差在学埋点样测试你买嘅咖啡豆够唔够新鲜丫？ 　　外国网站techinsider就列出4个简易方法，等你轻松拣出至Fresh咖啡豆。 一齐睇过！ 　　咖啡豆表面要充满光泽 　　咖啡豆含有丰富嘅油脂、脂肪、脂肪酸，所以烘焙完，咖啡豆嘅油脂会被逼出嚟，覆盖喺咖啡豆皮上，令咖啡豆睇落充满光泽。 　　一把拎起咖啡豆，会有残渣留喺手中 　　如果一把将咖啡豆拎喺手有残渣遗留，咁代表咖啡豆有经过新鲜烘培，同时代表佢哋够油够新鲜。 　　密封袋上有排气窿 　　当咖啡豆喺高温烘焙后，冷却时会释放大量二氧化碳。 呢种气体可以持续几日甚至几个星期，呢个情况就系所谓嘅脱气。 当正在脱气嘅咖啡豆放入密封袋时，二氧化碳会不断排出，所以需要排气窿，如果唔系密封袋就会好似气球一样被吹起，甚至有可能会爆炸。 　　所以如果买返嚟嘅袋装咖啡豆冇排气窿喺袋上，即系话佢嘅咖啡豆唔太新鲜，唔需要大量排气。 　　最后教大家一个方法，可以简单鉴别咖啡豆够唔够新鲜︰ 　　将咖啡豆放入密封袋，挤压出空气，然后静置一晚。 　　如果咖啡豆系过去7至10日内新鲜烘焙，密封袋就会因为二氧化碳排气而膨胀。 　　如果咖啡豆冇咁新鲜，咁密封袋就会系平嘅。 2022-05-05 03:50:50